मोरङ–६ मा रास्वपाको अग्रता कायमै

विराटनगर । मोरङ क्षेत्र नं ५ मा राष्ट्रिय स्वतन्त्र पार्टीकी रुबिना आचार्यको अग्रता कायमै छ । उनी निकटतम प्रतिद्वन्द्वी रहेका नेपाली कांग्रेसका वरिष्ठ नेता डा. शेखर कोइराभन्दा चार गुणा मतले अगाडि छिन् ।

निर्वाचन अधिकृतको कार्यालय मोरङले पछिल्लो पटक जारी गरेको विवरणअनुसार सदर मतमध्ये राष्ट्रिय स्वतन्त्र पार्टी (रास्वपा)की उम्मेदवार रुबिना आचार्यले ९ हजार ५०४ मत प्राप्त गरेकी छन् ।  

नेपाली कांग्रेसका उम्मेदवार शेखर कोइरालाले २ हजार १२८ मत पाएका छन् भने नेपाल कम्युनिष्ट पार्टी एमालेका उम्मेदवार विनोदकुमार ढकालले २ हजार ७०० मत पाएका छन् । श्रम संस्कृति पार्टीकी उम्मेदवार मातृका पौडेलले २हजार २० मत  पाएका छन् भने नेपाली कम्युनिष्ट पार्टी (नेकपा) का उम्मेदवार ओपेन्द्रकुमार रायले तीन सय ६६ मत पाएका छन् ।

त्यस्तै राष्ट्रिय प्रजातन्त्र पार्टी (राप्रपा) का उम्मेदवार सविन निरौलाले तीन सय ६६, नेपाल कम्युनिष्ट पार्टी (माओवादी) ले १६, सार्वभौम नागरिक पार्टीले ४३ मत पाएका छन् । त्यसैगरी जम्मा गनिएको १७ हजार छ सय ३८ मतमध्ये एक हजार ६८ मत बदर भएको निर्वाचन अधिकृतको कार्यालयले जनाएको छ ।