‘प्राडा थपलियाको सय दिन उपलब्धीपूर्ण’

विराटनगर । पूर्वाञ्चल विश्वविद्यालय (पूवि) का उपकुलपति प्राडा बिजुकुमार थपलियाको सय दिनको कार्य उपलब्धीपूर्ण भएको जनाइएको छ । 

पूवि प्राध्यापक संघका सभापति यज्ञप्रसाद जम्मरकट्टेलले उपकुलपतिमा नियुक्त भएका प्राडा थपलियाको पहिलो एक सयदिनको कार्य उपलब्धीपूर्ण रहेको बताए । 

पूविभित्रबाट नै पूरा कार्यकालका लागि उपकुलपति नियुक्त भएकाले प्राडा थपलियाले राम्रो गरेको बताए । 

उनले भने, ‘पूवि भित्रैबाट उपकुलपति नियुक्त गरिएकोले सबैमा उत्साह छाइ वृहत्तर हितका लागि काम भैरहेको छ, तर बाहिरबाट आएका (क्रिविबाट आएर नियुत्त भएका) बाट पूरा सहयोग मिलेको छैन ।’

उनको नियुक्तिले पूविका प्राध्यापक, कर्मचारीको आत्मसम्मान बढी गौरवको अनूभूति भएको, पूवि सभा (सिनेट) समयमा नै बसेको, आन्तरिकतर्फको विज्ञापन खुल्ने तयारी भएको, एक सय शय्याको अस्पतालको लागि सरकारबाट बजेट विनियोजन भई  सञ्चालनका लागि अन्तिम तयारी भइसकेको, बीएससी नर्सिङ कोटा ४० बाट ६० जना पुर्‍याउनेलगायत तयारी भएको जमरकट्टेलले बताए । 

पूवि व्यवस्थापन क्याम्पस (पुसोम) मा कार्यरत प्राडा थपलिया गत बैशाख १८ गते उपकुलपति नियुक्त भएका थिए ।