बिजनेश कलेजले गर्यो विद्यार्थीको बिदाइ

विराटनगर । नेपाल बिजनेश कलेज विराटनगरले बीबीए आठौं सेमेष्टर अध्ययन फूरा गरेका विद्यार्थीहरूलाई एक कार्यक्रम आयोजना गरी बिदाइ गरेको छ । कलेजका बीबीए सातौ सेमेष्टरका विद्यार्थीहरूले बिदाइ कार्यत्रम गरेका हुन् ।

कार्यक्रममा बीबीए अध्ययन पूरा गरेका विद्यार्थीले कलेजमा अध्ययन गर्दाको अवस्थामा आफूले गरेको अनुभव सुनाएका थिए भने कलेजलाई केही सुझाव पनि दिएका थिए । कलेजसँगको सम्बन्धलाई सधैँ निरन्तरता दिने वाचासहित उनीहरू बिदा भएका हुन् । कार्यक्रममा कलेजका अध्यक्ष डा. भेषप्रसाद धमलाले विद्यार्थीलाई मायाको चिनो दिए ।

उनले सम्पूर्ण विद्यार्थीहरूको उज्ज्वल भविष्यको कामना गर्दै अब आउने दिनहरूमा उच्च मनोबलका साथै  इमान्दार भएर आफूले पाएको जिम्मेवारी पूरा गर्न सुझाव दिएका थिए ।

कार्यक्रममा कलेजका अध्यक्ष डा. धमला,  कलेजका एकेडेमिक डाइरेक्टर प्राडा बेदराज आचार्य, व्यवस्थापन समितिका सदस्यद्वय प्राडा हरिहर भण्डारी, कविराज न्यौपाने, कलेजका प्रबन्ध निर्देशक दीपक कोइरालालगायतको सहझागिता रहेको थियो ।

हाल बीबीए, बीआईटी र एमबीए कार्यक्रम सञ्चालन हुँदै आएकोमा यसै शैक्षिक सत्रदेखि बीएचएम कार्यत्रम समेत सञ्चालन हुने कलेजले जनाएको छ ।