दुई सय २५ किलोग्राम गाँजासहित दुई पक्राउ

सुनसरी । सुनसरीको बराहक्षेत्र नगरपालिका–६ स्थित सप्तकोशी नदी किनारबाट दुई सय २५ किलोग्राम गाँजासहित दुईजनालाई पक्राउ गरिएको छ ।

मंगलबार राती करीव ९ बजेतिर गाँजा ओसार पसारमा संलग्न रहेका सुनसरीको बराहक्षेत्र नगरपालिका–६ का बिशेस माझी र रोशन श्रेष्ठलाई को. ३० प ९४७५ नम्बरको मोटरसाइकलसहित पक्राउ गरिएको जनाइएको छ ।

विषेश सुचनाको आधारमा इलाका प्रहरी कार्यालय महेन्द्रनगरबाट खटिएको प्रहरी टोलीले बराहक्षेत्र नगरपालिका–६ स्थित सप्तकोशी नदी किनारमा बगाएर ढुवानी गर्ने बाँसको झाँक मुनि प्लास्टिकको नौ वटा बोरामा बाँधेर ल्याउँदै गरेको उक्त गाँजासहित माझी र श्रेष्ठ पक्राउ परेका हुन् ।

पक्राउ परेका दुबैजनामाथि अनुसन्धान अघि बढाइएको सुनसरी प्रहरीले जनाएको छ ।