छात्रालाई निशुल्क पाठ्यपुस्तक र शैक्षिक सामग्री वितरण

विराटनगर । मोरङको जहदा गाउँपालिका वडा नं ३ ले स्नातक तहमा छोरीलाई निःशुल्क शिक्षा अन्तर्गत उच्च शिक्षामा छोरीको पहुँच अभियान कार्यक्रमलाई निरन्तरता दिएको छ ।

प्रत्येक वर्ष झै यस वर्ष पनि स्तानक तहमा निःशुल्क अध्ययनका लागि १५ जना छात्राहरुलाई जहदा–३ का वडाध्यक्ष अनिलकुमार ठाकुरले पाठ्यपुस्तक र शैक्षिक सामग्री वितरण गरेका छन् । 

ती छात्राहरुलाई सरकारी क्याम्पसमा अध्ययन गर्दा लाग्ने सम्पूर्ण शुल्क वडा कार्यालयले बेहोर्दै आएको वडाध्यक्ष ठाकुरले जानकारी दिए ।