दर्जनौं उद्योगका संचालक जाजूलाई सम्मान

विराटनगर । विराटनगरमा शुक्रबार सुरु भएको व्यापार मेलामा प्रधानमन्त्री पुष्पकमल दाहाल प्रचण्डबाट सम्मानित हुँदै विराटनगरका उद्योगी महेशकुमार जाजू सम्मानित भएका छन् । 

मोरङ व्यापार संघका पूर्वअध्यक्ष तथा नेपाल उद्योग वाणिज्य महासंघका पूर्वकेन्द्रीय सदस्य जाजू दर्जनौ उद्योगका सञ्चालक हुन् ।

बाबु रामानन्द जाजूले विराटनगरमा सुरु गरेको कपडाको पसललाई रूपान्तरण गर्दै उद्योग स्थापनामा हात हालेका जाजू सञ्चालक रहेका सबैजसो उद्योग सफल मानिन्छन् ।

एसियन थाइफुड्सबाट उत्पादन हुने रमपम चाउचाउ जाजूलाई चिनाउने लोकप्रिय ब्राण्ड मानिन्छ ।

उनी एसियन थाइफुड, एसियन बिस्कुट एण्ड कन्फेक्सनरी, हिमगिरी सप एण्ड केमिकल, गुड लाइफ वेभरेज, इको इन्फ्राइस्ट्रक्चसहित दर्जनौ कम्पनीका सञ्चालक छन् ।

उद्योग स्थापना गरी हजारौंलाई रोजगारी प्रदान गर्नुका साथै स्थानीय उत्पादनको बजार प्रवर्द्धनमा उल्लेखनीय योगदान पुर्‍याएकोमा मोरङ व्यापार संघले जाजूलाई विशेष सम्मान गरेको हो ।