ताप्लेजुङको मेरिङदेनमा सात दिनमा सात घर जले

ताप्लेजुङ । ताप्लेजुङमा बितेका सात दिनमा सातवटा घर जलेका छन् । पछिल्लो विवरण अनुसार मङ्गलबार भएको आगालागीमा दुईवटा घर जलेका हुन् । 

मेरिङदेन गाउँपालिका-२ का हर्कबहादुर पालुवा र सुवास नाल्बुको घरमा  आगलागी हुँदा १५ लाख बराबरको धनमाल क्षति भएको जिल्ला प्रहरी कार्यालय ताप्लेजुङले जनाएको छ ।

दुईवटा घरमा रहेक नगद,  खाद्यान्न,  लत्ताकपडालगायत जलेर नष्ट भएका छन् । घरनजिकै रहेका दुईवटा गोठ पनि जलेका छन् ।

जिल्लाका केही वनमा पनि आगो फैलिएको जनाइएको छ । वनको डढेलो घरमा सल्किएर एक हप्ताभित्रै सातवटा घर जलिसकेको प्रहरीले जनाएको छ ।