शर्मा र कट्टेल सम्मानित हुने

विराटनगर : ७५ औं अन्तरराष्ट्रिय मानव अधिकार दिवसको अवसरमा दुई जना मानव अधिकारकर्मीलाई सम्मानित गरिने भएको छ ।

मानव अधिकार सञ्जाल विराटनगरले पत्रकार तथा मानव अधिकारकर्मी यज्ञ शर्मा र मानव अधिकारकर्मी बागमति कट्टेललाई मानव अधिकार सम्मानबाट सम्मानित गर्ने भएको हो । अन्तर्राष्ट्रिय मानव अधिकार दिवसको अवसरमा सञ्जालले हरेक वर्ष २ जना अधिकारकर्मीहरुलाई सम्मानित गर्दै आएको छ ।

यस वर्षको मानव अधिकार सम्मानबाट सम्मानित व्यक्ति छनोटका लागि मणि अर्ज्यालकोको संयोजकत्वमा छनोट समिति गठन गरिएको थियो ।

‘भविष्यमा मानव अधिकार संस्कृतिलाई एकिकृत र दिगो बनाउँदै लैजाउँ’ भन्ने मुख्य नारासहित डिसेम्वर १० अर्थात आइतबार ७५ औं अन्तर्राष्ट्रिय मानव अधिकार दिवस मनाइदै छ ।