रोटरी मिडटाउनद्वारा न्यानो कपडा वितरण

विराटनगर । विराटनगर–२ स्थित शंकरपुर आधारभूत विद्यालयका विद्यार्थीलाई जाडोका लागि न्यानो कपडा एवं दिउँसोको खाजाका लागि टिफिन कचौरा बितरण गरिएको छ ।

रोटरी क्लब विराटनगर मिडटाउनको आयोजनामा सो विद्यालयमा कपडा वितरण गरिएको हो । 

शंकरपुर विद्यालयलाई सो क्लबले १० वर्षदेखि छात्रवृत्तिलगायत बिभिन्न सहयोग गर्दै आएको क्लबका अध्यक्ष कुमार खतिवडाले बताए ।

सो कार्यक्रममा क्लबका पूर्व अध्यक्षहरू किशोर प्रधान, रामावतार अग्रवाल, सुशील रिजाल, नन्दकिशोर राठी एवं बोर्ड सदस्यहरू बिनोद बोहरा, जितेन्द्र रजक, सञ्जय अग्रवाल, विद्यालयका प्रधानाध्यापक दुर्गा पोखरेल एवम् शिक्षकहरूको उपस्थिति थियो ।