जहदा कप फुटबल शुरू

विराटनगर : मोरङको जहदा गाउँपलिकामा तेस्रो संस्करणको जहदा कप फुटबल प्रतियोगिता शुरू भएको छ । जहदा–३, जयरामपुरको आयोजनामा  तथा जहदा–३ नम्बर वडा कार्यालयको सहयोगमा मंगलबारदेखि प्रतियोगिता शुरू भएको हो । उद्घाटन खेल जहदा आदर्श फुटबल टोली र मिल्स युवा क्लबबीच भएको थियो ।

जहदा–३ का वडाध्यक्ष अनिलकुमार ठाकुरले सो प्रतियोगिताको उद्घाटन गरेका थिए ।  प्रतियोगितामा आयोजक क्लबसहित पालिका भित्रका विभिन्न वडाका ५  र विराटनगरका ३ गरी ८ खेल टोलीको सहभागिता रहेको आयोजकले बताए । 

प्रतियोगितामा सहभागी बिजेता टोलीलाई २५ हजार नगद पुरस्कारसहित ट्रफी, पदक र प्रमाणपत्र दिइने छ भने दोस्रो हुनेलाई १५ हजार नगद पुरस्कारसहित ट्रफी, पदक र प्रमाण पत्र दिइने आयोजकले बताए । 

केही दिन अगाडि  सोही वडाकी कबड्डी टोलीका कप्तान मेनुका राजवंशीले नेपाललाई पहिलो काँस्य पदक दिलाउन सफल भएकी थिइन् । हामी सबै मिलेर खेलकुदमा लगानी गर्नुपर्छ र खेलाडीको क्षमता विकास गर्नुपर्ने वडाध्यक्ष ठाकुरले भने ।