ट्राफिक प्रहरीलाई गाउँपालिकाद्वारा कम्प्युटर प्रदान

विराटनगर । कटहरी गाउँपालिकाले ट्राफिक प्रहरी पोष्ट हाटखोलालाई कम्प्युटर र प्रिन्टर प्रदान गरेको छ । 

गाउँपालिकाले ट्राफिक प्रहरीलाई डेस्कटप कम्प्युटर एकथान र थ्री इन वन प्रिन्टर एक थान प्रदान गरेको हो । 

गाउँपालिका परिसरमा आयोजित कार्यक्रममा कटहरीका अध्यक्ष देवराज चौधरी, उपाध्यक्ष सीतादेवी राजवंशी र प्रमुख प्रशासकीय अधिकृत प्रमोदकुमार चौधरीले ट्राफिक प्रहरी पोष्ट हाटखोलाका सई प्रेमकुमार साहलाई ती सामग्री हस्तान्तरण गरेका हुन् । 

गाउँपालिकाले ट्राफिकलाई प्रदान गरेको कम्प्युटर र प्रिन्टरको मूल्य एकलाख ३५ हजार रहेको जनाइएको छ ।