घाइते प्रहरी जवान सौगात थापाको मृत्यु

विराटनगर । साउन–२ मा विराटनगर–१५ भट्टिमोडमा भएको नेपाल प्रहरीको ‘टु टन’ गाडी दुर्घटनामा घाइते भएका प्रहरी जवान सौगात थापाको उपचारका क्रममा मृत्यु भएको छ । 

सुनसरीको धरान उपमहानगरपालिका–१७ का थापाको उपचारका क्रममा काठमाडौंस्थित न्यूरो अस्पतालमा निधन भएको कोशी प्रदेश प्रहरी कार्यालय विराटनगरले जनाएको छ । 

मुस्लिम समुदायले मोहरम पर्व मनाउने क्रममा गरेको प्रदर्शनका क्रममा हुन सक्ने झडप नियन्त्रणका लागि कोशी प्रदेश प्रहरी तालिम केन्द्रबाट थप प्रहरी लिएको गाडी भट्टिमोडमा सडकबाट नालीमा पल्टिएको थियो ।

दुर्घटनामा ३० जना बढी प्रहरी घाइते भएका थिए ।