एमाले पूर्व प्रदेश सांसद यादव रास्वपामा प्रवेश

विराटनगर । पूर्व सांसद तथा नेकपा (एमाले) की अग्रज नेतृ वसन्तीदेवी यादव रास्वपामा प्रवेश गरेकी छन् । 

उनलाई रास्वपा मोरङ–५ की प्रतिनिधिसभा सदस्य उम्मेदवार आशा झाले पार्टी सदस्यता प्रदान गर्दै स्वागत गरिन् ।

कार्यक्रममा यादवले देशमा नयाँ राजनीतिक विकल्पको आवश्यकता औंल्याउँदै रास्वपा रोजेको बताइन् । ‘जनताले पारदर्शी र जवाफदेही नेतृत्व खोजिरहेका छन्,’ उनले भनिन् ।

सो कार्यक्रममा जनमत पार्टीका केन्द्रीय सदस्य बुलबुल यादवसहित २३८ जना नेता–कार्यकर्ताले पनि रास्वपामा प्रवेश गरेका छन् । 

नवप्रवेशीहरूलाई पार्टीका नेताहरूले टीका र सदस्यता प्रदान गरेका थिए ।