विराटनगर–११ सेमिफाइनलमा

विराटनगर । विराटनगरमा जारि प्रथम वडास्तरीय नकाउट फुटबल प्रतियोगितामा विराटनगर वडा नं ११ सेमिफाइनलमा पुगेको छ ।

विराटनगर जुटमिलको खेलमैदानमा आइतबार भएको खेलमा विराटनगरको २ नम्बर वडालाई ३–० गोलले हराउदै विराटनगर–११ सेमिफाइनलमा पुगेको हो । 

जितका लागि विराटनगर–११ का बिवेक राईले दुई गोल र सुरज राउतले एक गोल गरे ।

सोमबारको खेल विराटनगर–१६ र विराटनगर–१ नम्बर वडाबीच हुनेछ ।

विराटनगर वडा नं १५ को आयोजना र मिल्स भेट्रान क्लबको संयोजनमा सुरु भएको उक्त प्रतियोगितामा आठ टोलीको सहभागिता छ ।