सङ्खुवासभामा महिला प्रहरीले दर खाएर मनाए तिज (फोटो)

विराटनगर । जिल्ला प्रहरी कार्यालय सङ्खुवासभाको महिला प्रहरी कर्मचारीहरूका लागि तिज विशेष कार्यक्रम आयोजना गरेको छ । 

प्रहरी कार्यालय परिसरमा महिला प्रहरीहरूले दर खानुका साथै नाचगान गरेर रमाइलो गरेका थिए । नेपाली महिलाहरूको महत्वपूर्ण पर्व तिजको अवसरमा घर र माइत जान नपाउने महिला प्रहरी कर्मचारीलाई कार्यालयमै दर खाने व्यवस्था मिलाइएको हो ।

तिजको समयमा पनि ड्युटीमा खटिनु पर्ने भएकोले उनीहरूलाई तिज विशेष कार्यक्रममार्फत पर्व मनाउने अवसर प्रदान गरिएको जनाइएको छ ।