केभीएममा खेलकुद सप्ताह सुरु

विराटनगर । विराटनगरको संसारीमाइस्थानस्थित कोशी विद्या मन्दिर(केभीएम)मा आइतबारदेखि बृहत् खेलकुद सप्ताह सुरु भएको छ । साताव्यापी यस कार्यक्रममा एथलेटिक्स, कबड्डी लगायतका प्रतियोगिताहरू हुने विद्यालयका निर्देशक राजेशकुमार दासले जानकारी दिएका छन् ।

उनका अनुसार, आइतबार पहिलो दिन १००, २०० र ४०० मिटर दौडका साथै ज्याभ्लिन थ्रो, सटपुट तथा कबड्डी खेलको प्रारम्भिक चरण सम्पन्न भएको छ । त्यस्तै पूर्वप्राथमिक तहमा ५० र १०० मिटर दौड, बाधा दौड, स्पून रेस लगायतका खेल सम्पन्न भएका छन् ।