हिज्जे प्रतियोगिताको उपाधि मनोकामनालाई

विराटनगर । राष्ट्रिय प्याब्सन (एन–प्याब्सन) हिज्जे प्रतियोगिताको उपाधि मनोकामना इङ्लिस बोर्डिङ स्कुलले जितेको छ । राष्ट्रिय प्याब्सन विराटनगर महानगर समितिको आयोजनामा शनिबार विराटनगरमा सम्पन्न प्रतियोगितामा ग्रिनपीच एकेडेमी दोस्रो र अरिहन्त इङ्लिस स्कुल तेस्रो भएको हो ।

एन–प्याब्सनमा आवद्ध १३  विद्यालयबाट प्रतियोगितामा सहभागिता रहेको एन–प्याब्सन विराटनगर महानगर अध्यक्ष मो सोहिलले बताए । उनले विद्यार्थीहरुमा निहित प्रतिभा उजागर गर्ने उद्देश्यले प्रतियोगिता आयोजना गरिएको जानकारी दिए ।
विजेता विद्यालयका विद्यार्थीहरुलाई एन–प्याब्सन कोशी प्रदेश अध्यक्ष राजन पौडेल, केन्द्रीय सचिव राजन छाराहाङ लगायतले शिल्ड, पदक र प्रमाणपत्र प्रदान गरेका थिए ।