तेह्रथुममा कांग्रेसका सन्तोष सुब्बा निर्वाचित

विराटनगर । तेह्रथुममा नेपाली कांग्रेसका सन्तोष सुब्बा निर्वाचित भएका छन् । सुब्बा निर्वाचित भएसँगै कोशी प्रदेशमा कांग्रेसले जितको पहिलो खाता खुलेको हो ।

कांग्रेसका सुब्बाले ११ हजार ५६१ मत ल्याएर विजयी भएका छन् ।

उनका निकटतम् प्रतिष्पर्धी नेकपा एमालेका उम्मेदवार भानुभक्त ढकालले १० हजार ६८२ मत प्राप्त गरेका हुन् ।

मतगणनाको सुरुवातदेखि मध्यसम्म अग्रता कायम गरिरहेका ढकाल त्यसपछि लगातार पछि परेका थिए ।

तेह्रथुममा रास्वपाका सुरेन्द्र कार्की भने ७ हजार ७३७ मत पाएर तेस्रो बनेका छन् ।

श्रम संस्कृति पार्टीका सुविन्द्र कुमार लिम्बुले ५ हजार २०० र नेकपाका रनध्वज लिम्बुले ९१९ मत प्राप्त गरेको निर्वाचन अधिकृतको कार्यालयले जनाएको छ ।