आदर्श माविमा सिलाई कटाइ  तालिम हुने

विराटनगर, १८ भदाै । आदर्श माध्यमिक विद्यालय विद्यालयमा सिलाई कटाई सम्बन्धी ल्याब स्थापना  हुने भएको छ । 

रोटरी क्लब अफ बिराटनगर डाउनटाउनले  ल्याव स्थापनामा सहयोग गर्ने  सम्झौता भएको छ । 

सो सम्झौतामा रोटरी क्लब अफ डाउनटाउनका तर्फबाट अध्यक्ष मञ्जु अग्रवाल र विद्यालयको तर्फबाट विद्यालयका प्रधानाध्यापक सन्तोष पोखरेलले  मंगलबार हस्ताक्षर गरेका छन । 

ल्याब स्थापना भएपश्चात् विद्यालयमा अध्ययनरत छात्रछात्राले सिलाई कटाई सम्बन्धी तालिम प्राप्त गर्ने र तालिमपछि उनीहरूको सिलाई कटाई सम्बन्धी सीप विकास गरी रोजगारीका अवसरहरू प्राप्त हुने विद्यालयले जनाएको छ ।