मोटरसाइकलमा लुकाएर नेपाल ल्याइँदै गरेको साढे १४ लाख बरामद

विराटनगर । विराटनगर–१७ बाट स्रोत नखुलेको रकम १४ लाख ५० हजार रूपैयाँसहित विराटनगर–१८ का ४१ वर्षीय वीरेन्द्र साहलाई मंगलबार दिउँसो प्रहरीले पक्राउ गरेको छ ।

अस्थायी प्रहरी पोष्ट मटेरूवाबाट खटिएको प्रहरीले भारतबाट नेपालतर्फ आउँदै गरेको को.३८ प ५८५१ नम्बरको  मोटरसाइकलमा सवार उनलाई उक्त रकमसहित पक्राउ गरेको हो । 

मोटरसाइकलभित्र लुकाएर ल्याउँदै गरिएको सो रकमबारे अनुसनधान भैरहेको मोरङ प्रहरीले जनाउका छ ।