धनकुटाको पाख्रिबासमा बोलेरो पिकअप दुर्घटना, चालक र सहचालक दुवैको मृत्यु

विराटनगर । बिहीबार राती धनकुटाको पाख्रीबासमा भएको बोलेरो पिकअप दुर्घटना हुँदा त्यसका चालक र सहचालक दुवैको मृत्यु भएको छ ।

को १ ज २६३९ नम्बरको पिकअप पाख्रीबास नगरपालिका–३ जौटारमा बिहीबार राति करीव सवा ९ बजेतिर दुर्घटना भएको जनाइएको छ । 

जिल्ला प्रहरी कार्यालय धनकुटाका अनुसार मृत्यु हुनेमा चालक पाख्रीबास नगरपालिका–९ उत्तरपानीका ३९ वर्षीय शुक्रबहादुर तामाङ र सहचालक सिराहाको लहान नगरपालिका–५ का प्रमोद मल्लिक रहेका छन् । 

सहचालक मल्लिकको घटनास्थलमा नै मृत्यु भएको जनाइएको छ । गम्भीर अवस्थामा उद्दार गरिएका चालक तामाङको भने उपचारका क्रममा धनकुटा जिल्ला अस्पताल नपु¥याउँदै मृत्यु भएको जिल्ला प्रहरी कार्यालय धनकुटाका प्रवक्ता प्रहरी नायव उपरीक्षक ओमप्रकाश खनालले जानकारी दिए ।

उक्त पिकअप पाख्रीबास–हिले सडकबाट १५० मिटर तल खसेको थियो ।