उद्योग परिसंघको निमन्त्रणामा राष्ट्रपति पौडेल विराटनगर आउँदै

विराटनगर । राष्ट्रपति रामचन्द्र पौडेल आज विराटनगर आउँदैछन् ।

नेपाल उद्योग परिसंघ कोशी प्रदेशको आयोजनामा राष्ट्रपति पौडेललाई अभिनन्दन, उद्योगी व्यवसायीको भेला लगायतका कार्यक्रममा सहभागी हुन उनी विराटनगर आउने भएका हुन् ।

शनिबार दिउँसो १२ बजेदेखि विराटनगरको सिटी प्यालेसमा आयोजित कार्यक्रममा राष्ट्रपति पौडेलले उद्योगीहरू तथा प्रजातन्त्र सेनानीहरूको सम्मान समेत गर्ने जनाइएको छ ।

राष्ट्रपतिले परिसंघ कोशी प्रदेशका पदाधिकारीहरूलाई शुभकामना समेत दिने कार्यक्रम रहेको परिसंघका मानार्थ उपाध्यक्ष एवं प्रवक्ता रमेश राठीले जानकारी दिए ।