काठमाडौंबाट विराटनगर आउँदै गरेको हायस नालीमा खसेर दुर्घटना (घाइतेको नामसहित)

विराटनगर । काठमाडौंबाट यात्रु बोकेर विराटनगर आउँदै गरेको हायस अनियन्त्रित भएर नालीमा खसेको छ ।

१९ यात्रु बोकेको बा ५ ख ६६१८ नम्बरको हायसका १५ जना यात्रु घाइते भएका छन् ।

केहीलाई ठुलै चोटपटक लागेको जनाइएको छ ।

शुक्रबार बिहान सिन्धुलीको कमलामाई नगरपालिका–८ सिस्नेरीमा हायस दुर्घटना भएको ट्राफिक प्रहरीले जनाएको छ । 

उक्त माइक्रोबसमा चालकसहित १९ जना यात्रुहरू रहेको जनाइएको छ । घाइतेहरू मध्ये ६ जना सामान्य उपचारपछि डिस्चार्ज भएका छन् ।

केही यात्रुलाई थप उपचारका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको जनाइएको छ ।

घाइतेहरूको नाम

(१) हायस चालक जिल्ला मोरङ सुन्दरहरैचा न.पा. ९ बस्ने बर्ष ३५ को अनुज सुन्दास, दुबै खुट्टामा चोट अवस्था मध्यम ।
(२) हायस चालक जिल्ला मोरङ सुन्दरहरैचा न.पा. ९ बस्ने बर्ष ३० को प्रकाश उप्रेती, खुट्टामा चोट मध्यम । ऐ. ०६:०० बजेको समयमा थप उपचारको लागि घोपा अस्पतालतर्फ पठाईएको ।
(३) जिल्ला सुनसरी ईटहरी उपमहानगरपालिका–१९ बस्ने बर्ष २० की सिसम घिमिरे, दाहीने खुट्टामा चोट अवस्था सामान्य ।
(४) जिल्ला झापा बिर्तामोड न.पा. ५ बस्ने बर्ष ३२ को समिर तामाङ, दाहिने खुट्टामा चोट अवस्था सामान्य ।
(५) जिल्ला सुनसरी ईटहरी उपमहानगरपालिका–६ बस्ने २४ कि विजया तिमल्सीना, टाउकोमा चोट, बाँया हातमा चोट अवस्था सामान्य ।
(६) जिल्ला मोरङ लेटाङ न.पा. ६ बस्ने बर्ष ४७ को गोपाल नेपाली, मुखमा हातमा चोट अवस्था मध्यम ।
(७) ऐ.ऐ .१ बस्ने बर्ष ३२ को दिपेश राई, मुखमा चोट मध्यम ।
(८) ऐ .मधुमल्ला गा.पा.९ बस्ने बर्ष ३२ को बम बहादुर खड्का, दाहिने खुट्टामा चोट मध्यम ।
(९) जिल्ला पांचथर याङ्वरक गा.पा. ४ बस्ने बर्ष ३६ को बिक्रम सुन्दास, दाहिने खुट्टा मुखमा चोट मध्यम ।
(१०) पाँचथर याङ्वरक ४ बस्ने बर्ष २२ को सुजन सुन्दास, हातमा चोट सामान्य ।
(११) जिल्ला धनकुटा मदलक्ष्मी न.पा. १ बस्ने बर्ष ३३ को गोरख बुढाथोकी, टाउको खुट्टामा चोट अवस्था मध्यम ।
(१२) जिल्ला मोरङ सुन्दरहरैचा न.पा. १ बस्ने बर्ष ६५ को उपेन्द्र खतिवडा, नाक छाती हातमा चोट अवस्था मध्यम ।
(१३) मोरङ मधुमल्ला गाउँपालिका ९ बस्ने बर्ष ३४ को नेत्र बहादुर खड्का, हात मुखमा चोट मध्यम ।
(१४) ऐ. बिराटनगर महानगरपालिका ८ बस्ने बर्ष २३ को अतुल कटुवाल, निधारमा चोट मध्यम ।
(१५) जिल्ला तेह्रथुम छथर गा.पा. ६ बस्ने बर्ष २८ को निरबहादुर लिम्बु, दाहिने खुट्टा पेटमा चोट मध्यम ।