विराटनगर १० को वडा कार्यालय भवन उद्घाटन

विराटनगर । महानगरपालिकाको वडा नम्बर १० कार्यालयको नवनिर्मित भवनको विराटनगर महानगरपालिकाका मेयर नागेश कोइरालाले उद्घाटन गरेका छन् ।

यसअघि आधारभुत स्वास्थ्य सेवा केन्द्र सञ्चालनमा रहेको भवनमा पहिलो तल्ला थप गरिएको हो । 

उक्त भवनमा पहिलो तल्ला थप गरी वडा कार्यालयको सम्पूर्ण प्रशासनिक कार्य सोही भवनबाट हुने गरी स्थानान्तरण गरिएको छ भने स्वास्थ्य सेवा पुरानो भवनमा सारिएको छ । 

वडा कार्यालयको आर्थिक वर्ष २०८१÷८२ को ३० लाख बजेटबाट साबिकको भवनमा तल्ला थप गरिएको विराटनगर–१० का वडाध्यक्ष अर्जुन गिरीले जानकारी दिए । 

सो अवसरमा चाडपर्व लक्षित शुभकामना आदान प्रदान कार्यक्रम समेत आयोजना गरिएको थियो । 

कार्यक्रममा वडा कार्यालयका कार्यालय सहयोगी सुनिलकुमार कामतलाई उत्कृष्ट कर्मचारीको रुपमा पुरस्कृत गरिएको थियो ।