व्यवस्थापन क्याम्पसमा खेलकुद सप्ताह समापन

विराटनगर । पूर्वाञ्चल विश्वविद्यालय व्यवस्थापन क्याम्पस (पुसोम) मा विद्यार्थीका लागि सञ्चालित खेलकुद सप्ताह विजयी विद्यार्थी तथा समूहलाई शिल्ड, पदक तथा प्रमाणपत्र वितरण गरी बुधबार  समापन भएको छ ।

खेलकुद सप्ताहमा क्रिकेटमा छात्रतर्फ कप्तान मो फरहान अख्तर र छात्रातर्फ कप्तान प्रशम्सा कट्टेलको टोलीले विजयी हासिल गरी उपाधि चुमेका छन् ।

यस्तै फुटबल छात्रतर्फ  कप्तान प्रेम तिम्सिना र छात्रातर्फ समृद्धि प्रधानको टोलीले उपाधि चुमेको छ ।  भलिबल छात्रतर्फ कप्तान दिपेश खड्का र कप्तान रविना राजवंशीको टोलीले विजयी भई उपाधि चुमेको छ ।

कबड्डी छात्रतर्फ  कप्तान महबुब आलम र छात्रातर्फ कप्तान प्रिया शाहको टोलीले उपाधि चुमेको छ भने छात्र बास्केटबलमा  कप्तान प्रेम तिम्सिना र छात्रातर्फ रिया खतिवडाको टोलीले उपाधि चुमेको छ ।

यसैगरी  म्याराथनतर्फ छात्रमा कृष्णकुमार साह र छात्रातर्फ लीजा चौधरी विजयी भए । टेबल टेनिसतर्फ छात्रतर्फ बिकिशन राई र छात्रातर्फ ईशा थापा, क्यारमबोर्डमा छात्रमा सरोज विष्ट र उनिश श्रेष्ठ, छात्रातर्फ ईशा थापा विजयी भए ।

बुद्धिचालतर्फ पुरुषमा कृष्णकुमार साह, छात्रामा विपना दाहाल विजयी भए भने  छात्राहरुका लागि सहभागी संगीतमय कुर्सी दौड र चम्चा दौडमा क्रमशः  ईशा थापा र  रिमिषा दाहाल विजयी भए ।

विराटनगर स्थित पुसोम परिसरमा भएको समापन समारोहमा  खेलकुदका विभिन्न विधामा प्रथम तथा दोस्रो स्थान हासिल गरी विजयी  खेलाडीलाई प्रमाणपत्रसहित पदक तथा ट्रफीहरु प्रदान गरिएको थियो ।

सो अवसरमा व्यवस्थापन संकायका डिन डा संदेशदास श्रेष्ठ तथा कलेजका निर्देशक प्रशान्तकुमार लालसहित प्राध्यापकहरू बोधहरि आचार्य, डा सम्झना प्रधान र प्रदीप केसी लगायतले  प्रमाणपत्र वितरण गरेका थिए ।