उदयपुरमा ५४ केजी गाँजा बोकेर हिंडेका एक जना पक्राउ

उदयपुर । उदयपुरको उदयपुरगढी गाउँपालिका–१ धेप्चेबाट ५४ केजी गाँजा सहित एक जनालाई प्रहरीले पक्राउ गरेको छ । पक्राउ पर्नेमा ताप्ली गाउँपालिका १ का वर्ष ३६ का चित्रबहादुर मगर रहेको जिल्ला प्रहरी कार्यालय उदयपुरले जनाएको छ ।

जिल्ला प्रहरी कार्यालय उदयपुरका प्रहरी नायव उपरिक्षक राजन चापागाईंका अनुसार शनिबार दिउँसो विशेष सूचनाको आधारमा बिक्रीका लागि गाँजा बोकेर हिंडिरहेको मगरलाई पक्राउ गरिएको हो । मगर गाँजाको कारोवारी रहेको प्रहरीले जनाएको छ । पक्राउ परेका मगरका सम्बन्धमा थप अनुसन्धान भइरहेको प्रहरीले जनाएको छ ।