प्रदेश प्रहरी कार्यालयमा बिधिवत् रुपमा मौलो पुजा सम्पन्न

बिराटनगर : कोशी प्रदेश प्रहरी गण बिराटनगर परिसरमा रहेको मौलोमा बिधिवतरुपमा पूजाअर्चना तथा सङ्कल्प पूजन गरि मौलो पुजा सम्पन्न भएको छ ।

कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले मौलोमा बिधिवतरुपमा पूजाअर्चना तथा सङ्कल्प गरेका हुन् । शुभ साईतमा भएको पूजा अर्चना कार्यक्रममा कोशी प्रदेश प्रहरी तालिम केन्द्रका समादेशक प्रहरी बरिष्ठ उपरीक्षक राजन अधिकारी लगायत प्रहरी अधिकृत तथा प्रहरी कर्मचारीहरुको उपस्थिति रहेको थियो ।

संगठनको कार्य सम्पादनमा कुनै पनि किसिमको अनिष्ट नहोस र सम्पूर्ण कार्यमा सफलता प्राप्‍त होस भनि प्रहरीले परम्परागत रुपमा मौलो पूजा निरन्तररुपमा गर्दै आईरहेको छ ।