विद्यार्थीलाई न्यानो कपडा वितरण

सुन्दरहरैंचा । मोरङको सुन्दरहरैंचा–१ स्थित सूर्य ज्योति माध्यमिक विद्यालयका  विद्यार्थीहरूलाई बिहीबार न्यानो कपडा वितरण गरिएको छ । 

लायन्स क्लब विराटचोक सिटी, लायन्स क्लब अफ इन्द्रपुर तथा लायन्स क्लब अफ खोर्सानेको संयुक्त आयोजनामा सो कार्यक्रम भएको थियो । 

चिसो बढिरहेको अवस्थालाई मध्यनजर गर्दै ४० जना विद्यार्थीलाई न्यानो कपडा ट्रयाकसुट वितरण गरिएको लायन्स क्लब अफ खोर्सानेका संस्थापक अध्यक्ष विप्लप बस्नेतले जानकारी दिए ।