दुर्गाले गरिन् भीमको हत्या

संखुवासभा । बारीमा फलेको कांक्रा चोरेको आरोपमा एक महिलाले पुरुषको हत्या गरेकी छन् ।

संखुवासभाको चिचिला गाउँपालिका–४ मा शनिबार पहिलाले पुरुषलाई खुकुरी प्रहार गरेर हत्या गरेकी हुन् ।

जिल्ला प्रहरी कार्यालय संखुवासभाका अनुसार मध्यान्ह १२ बजे ४२ वर्षीया दुर्गामाया गुरुङको बारीमा काक्रा टिपेका भीमबहादुर गुरुङसँग विवाद भएको थियो । 

विवादका  क्रममा दुर्गाले भीमलाई खुकुरी प्रहार गर्दा उनको घटनास्थलमै मृत्यु भएको प्रहरीले बताएको छ ।

संखुवासभाका प्रहरी नायव उपरीक्षक दक्षकुमार बस्नेतका अनुसार घरमा एक्लै बस्दै आएकी दुर्गाको घरको आँगनमा भीमबादुरको शव फेला परेपछि अनुसन्धान गरिएको थियो । 

केही घण्टाअघि नै उनको मृत्यु भइसकेको अवस्थामा प्रहरी त्यहाँ पुगेको थियो । घटना बारीमा कांक्रो चोरी गरेको विषयमा भएको उनले बताए ।

दुर्गाालाई प्रहरीले पक्राउ गरेको छ । घटनास्थलबाट प्रहरीले खुकुरी बरामद गरेको छ । 

दुर्गा नियन्त्रणमा अँएपछि दुई बीच भएको विवाद प्रहरीले थाहा पाएको थियो । पहिले घुँडामा खुकुरी प्रहार गरेपछि भीमबहादुर लडेका थिए । 

त्यसपछि ढाडमा र टाउकोमा काटेर दुर्गाले हत्या गरेको प्रहरीको भनाइ छ ।