सशस्त्र प्रहरीले समायो ५ टन काँचो केरा र ट्रक

सुनसरी । भारतबाट अवैध रुपमा ल्याइएको पाँच टन काँचो केरा र ट्रक सशस्त्र प्रहरी बल सुनसरीले नियन्त्रणमा लिएको छ । 

सशस्त्र प्रहरी बल नेपाल नं. ४ गण हेडक्वार्टर सुनसरीबाट खटिएको गस्ती टोलीले आइतबार बिहान ७ः०० बजेतिर सुनसरीकै भोक्राहा नरसिंह गाउँपालिका–८ सोनियाहीस्थित सीमा क्षेत्रबाट केरा र ट्रक नियन्त्रणमा लिएको हो । 

साइकलमा हालेर भारतबाट अवैध रूपमा नेपाल ल्याइएको काँचो केरा लोड भइरहेको को १ ख ७४६८ नम्बरको आइसर ट्रक नियन्त्रणमा लिइएको सशस्त्र प्रहरी बलले जनाएको छ ।

केराको मूल्य ४ लाख रुपैयाँ रहेको छ । त्यस्तै करीव ३० लाख रुपैयाँ बराबरको ट्रकसहित आवश्यक कारवाहीका लागि सम्बन्धित निकायमा बुझाउने प्रक्रिया अघि बढाइएको जनाइएको छ ।