लाभान्वितको सम्मानै सम्मान

विराटनगर : लाभान्वित वचत तथा ऋण सहकारी संस्था लिले शनिबार सम्पन्न १३औं वार्षिक साधारणसभाको अवसरमा विभिन्न महानुभावहरूलाई सम्मान गरेको छ ।

विराटनगर–१६ मा रहेको सो सहकारीले साधारणसभाको अवसर पारेर सहकारीको क्षेत्रमा उल्लेखनीय योगदान पुर्‍याएको भन्दै पत्रकार चीना थापालाई सम्मान गरेको छ । यसैगरी क्रिकेट खेलाडी ललित राजवंशी, राष्ट्रिय महिला कबड्डी खेलका कप्तान मेनुकाकुमारी राजवंशी, फुटबल खेलाडी बुद्धिमान राईलाई पनि सम्मान गरेको छ । 

सो अवसरमा सहकारीका १० उत्कृष्ट बचतकर्ता, १० उत्कृष्ट ऋणी, चार उत्कृष्ट कर्मचारी, एक दशक काम गरिसकेका ३ कर्मचारी, ८ रक्तदाता, स्नातक तहमा बी प्लस ल्याउने सुरजकुमार रायलाई समेत सम्मान गरिएको थियो । उनीहरूलाई संघीय सांसद योगेन्द्रकुमार मण्डल, जहदा गाउँपालिका अध्यक्ष जितु साहलगायतले सम्मान गरेका थिए । 

सहकारीका अध्यक्ष प्रमोदकुमार साहको अध्यक्षतामा सम्पन्न कार्यक्रममा बोल्दै संघीय सांसद मण्डलले छरिएर रहेको पूँजीलाई एकीकृत गर्न र ग्रामीण क्षेत्रलाई आत्मनिर्भर बनाउन सहकारीको भूमिका महत्वपूर्ण रहेको बताए ।