झापामा खोला किनारमा मत्ता हात्ती मृत फेला

झापा । मेचीनगर नगरपालिका–३ मा बिहीबार विहान एउटा मत्ता हात्ती मृत फेला परेको छ ।

जिल्ला प्रहरी कार्यालय झापाका अनुसार धरधरे टोलनजिकै सुकेनिन्दा खोलाकिनारमा उक्त हात्ती मृत फेला परेको जनाइएको छ ।

स्थानीवासीले खोलामा मरेको हात्ती देख्नेवित्तिकै जिल्ला प्रहरी कार्यालय र डिभिजन वन कार्यालयमा खबर गरेका थिए । खबर प्राप्त हुनासाथ ती निकायको संयुक्त टोली खोला किनारमा पुगेर वस्तुस्थिति जानकारी लिएको जनाइएको छ । 

झापाका प्रहरी प्रवक्ता कृष्णबहादुर चन्दले मृत हात्तीको परीक्षणका लागि कोशीटप्पु वन्यजन्तु आरक्षबाट पशुविशेषज्ञ टोली आउने जानकारी दिएका छन् ।