विश्वासको मतको विपक्षमा मतदान गर्न कांग्रेसद्वारा सांसदलाई ह्विप

विराटनगर । प्रमुख प्रतिपक्षी दल नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ले प्रस्ताव गर्ने विश्वासको मतको विपक्षमा मतदान गर्न आफ्ना पार्टीका सांसदहरुलाई ह्विप जारी गरेको छ ।

कांग्रेस प्रमुख सचेतक रमेश लेखकले सोमबार विज्ञप्तिमार्फत फागुन ३० गते विहान ११ बजे बस्ने प्रतिनिधिसभाको बैठकमा आफ्ना सांसदहरुलाई अनिवार्य उपस्थित हुन र उक्त प्रस्तावको विपक्षमा मतदान गर्न निर्देशन जारी गरेका हुन् । 

प्रधानमन्त्री दाहालले फागुन ३० गते विहान ११ बजे बस्ने प्रतिनिधिसभाको बैठकमा आफूमाथि प्रतिनिधिसभाको विश्वास छ भन्ने प्रस्ताव प्रस्तुत गर्ने कार्यतालिका रहेको जनाइएको छ ।

दाहालले कांग्रेससँगको गठबन्धन छाडेर नेकपा एमालेसँग सहकार्य गरिरहेका छन् । उनले सरकार पुनर्गठन गर्दै एमालेबाट मन्त्रीहरु समेत नियुक्त गरिसकेका छन् ।