डिग्री क्याम्पसमा खेलकुद

विराटनगर । विराटनगरस्थित डिग्री क्याम्पसमा स्ववियु कप–२०८० मंगलबारदेखि सुरु भएको छ । उद्घाटन खेल अन्तर्गत भएको फुटबल प्रतियोगितामा बीबीए सेक्सन बी टोली विजयी भएको छ ।

सो प्रतियोगितामा विजयी टोलीका प्रशान्त चौधरी उत्कृष्ट खेलाडी घोषित भए ।

स्वास्थ्य र मनोरञ्जनका लागि खेलकुद, राष्ट्र र विद्यार्थीका लागि खेलकुद भन्ने नाराका साथ सुरु भएको प्रतियोगिता बिहीबारसम्म चल्ने छ ।

सो प्रतियोगितामा फुटबलका अतिरिक्त त्रिकेट, भलिबल, कबड्डी, ब्याडमिन्टन, डोरीतान र रिले दौडसहित सात खेलहरु समावेश गरिने खेलकुद संयोजक तथा सहायक क्याम्पस प्रमुख मिलन खरेलले जानकारी दिए ।

स्वतन्त्र विद्यार्थी युनियनद्वारा आयोजना गरेको स्ववियु कप– २०८० को प्रतियोगिता अघि गरिएको उद्घाटन कार्यक्रममा क्याम्पस प्रमुख ढकबहादुर मगर र खेलकुद संयोजक मिलन खरेल, उपप्राध्यापक रामकुमार ढुङ्गेल लगायतले मन्तव्य राखेका थिए ।