विराटनगर ११ र १२ फाइनलमा भिड्दै

विराटनगर । प्रथम वडास्तरीय नकाउट फुटबल प्रतियोगितामा विराटनगर–१२ फाइनलमा पुगेको छ ।

विराटनगर जुटमिलको खेल मैदानमा बिहीबार भएको अन्तिम सेमिफाइनल खेलमा विराटनगर १६ नम्बर वडालाई २–० गोलले हराउँदै विराटनगर–१२ फाइनलमा पुगेको हो ।

जितसँगै विराटनगर–१२ ले शनिबार हुने फाइनलमा विराटनगर–११ सँग प्रतिस्पर्धा गर्नेछ ।

जितको लागि विराटनगर १२ का सञ्जिव लिम्बूले दुई गोल गरे । उनी खेलको उत्कृष्ट खेलाडी घोषित भए ।

उनलाई १ हजार १ सय रुपैयाँ पुरस्कार राष्ट्रिय खेलाडी श्यामल सुब्बाले वितरण गरे ।

विराटनगर–१५ नम्बर वडाको आयोजना र मिल्स भेट्रान्स क्लब रानी विराटनगरको संयोजनमा भएको प्रतियोगितामा विराटनगरका ८ खेलटोलीको सहभागिता थियो ।