सुनको मूल्य तोलामा आठ सयले घट्यो

काठमाडौँ, ३ असोज । उच्च मूल्यको कीर्तिमान कायम गरेको सुनको मूल्य लगातार ओरालो लागेको छ ।

यसै क्रममा आज सुन प्रतितोला रु आठ सयले घटेको छ ।

नेपाल सुनचाँदी व्यवसायी महासङ्घका अनुसार बुधबार प्रतितोला  एक लाख ५६ हजार चार सयमा कारोबार भएको छापवाला सुनको मूल्य आजका लागि  एक लाख ५५ हजार छ सय निर्धारण भएको छ ।

यस्तै, चाँदीको मूल्य तोलामा  १० ले घटेको छ ।

बुधबार प्रतितोला  एक हजार आठ सय ९० मा कारोबार भएको चाँदी आजका लागि  एक हजार आठ सय ८० निर्धारण भएको छ ।  रासस