सुन्दरहरैंचामा बृहद् गजल महफिल सम्पन्न

सुन्दरहरैंचा । सुन्दरहरैंचामा बृहद् गजल महफिलको आठौं श्रृंखला सम्पन्न भएको छ । 

राइडर्स महफिलले आयोजना गरेको सो कार्यक्रममा सुनसरीका गजलकार रोमु अधिकारी, मोरङकी सृष्टि सावित्रा, झापाका कृष्ण कास्यपले १८ वटा सुन्दर गजल सुनाएका थिए ।

कार्यक्रमका प्रमुख अतिथि वरिष्ठ साहित्यकार प्रा. डा. देवी नेपाल रहेका थिए । उनले यो महफिल अद्भूत गज्जव भएकाले आफू धेरै प्रभावित भएको बताए । एउटा स्रष्टाका लागि यस्ता कार्यक्रमले धेरै महत्व राख्ने उल्लेख गरे । 

सो कार्यक्रममा झापाका स्रष्टा अभागी थेगुवालाई सम्मान समेत गरिएको थियो ।

बाल बगैंचा मन्टेश्वरी स्कुलमा भएको कार्यक्रममा विद्यार्थीहरूले पनि सुन्दर गायन प्रस्तुत गरेका थिए । 

राइडर्सका अध्यक्ष खेमराज दाहालको अध्यक्षतामा भएको कार्यक्रमको व्यवस्थापन यादव भट्टराईले गरेका थिए ।