मोरङमा आमाको नामबाट ४० जनाले पाए नागरिकता

विराटनगर । जिल्ला प्रशासन कार्यालय मोरङले ४० जनालाई आमाको नामबाट नागरिकता प्रदान गरेको छ । 

नागरिकता ऐन, २०६३ को दोस्रो संशोधन तथा नागरिकता नियमावली, २०६३ को चौथो संशोधनको व्यवस्थाअनुसार विदेशी बाबु र नेपाली आमा भएर जन्मिएका सन्तानलाई नागरिकता प्रदान गर्ने बाटो खुलेसँगै नागरिकता प्रदान गरिएको जनाइएको छ ।

नयाँ व्यवस्थाअनुसार माघ ७ गतेदेखि अंगिकृत र वंशजको आधारमा नागरिकता वितरण सुरु भएको हो । कार्यालयका अनुसार अहिलेसम्म ४० जनाले नागरिकता प्राप्त गरिसकेको जनाइएको छ ।