प्रहरी निरीक्षक न्यौपानेलाई सम्मान

झापा । जिल्ला ट्राफिक प्रहरी कार्यालय झापाका प्रहरी निरीक्षक नवराज न्यौपानेलाई सम्मानसहित विदाइ गरिएको छ ।

झापामका तीन दर्जन भन्दा धेरै संघ संस्थाले एकै पटक प्रहरी निरीक्षक न्यौपानेलाई सम्मानसहित विदाई गरेका हुन् । बिर्तामोड उद्योग वाणिज्य संघको अगुवाईमा न्यौपानेको बिदाइ गरिएको हो ।

प्रहरी निरीक्षक न्यौपानेको नेपाल प्रहरी विपद् व्यवस्थापन कार्यालय तालिम शाखा सामाखुसी काठमाडौं सरुवा भएको हो । न्यौपानेको सरुवासँगै जिल्ला ट्राफिक प्रहरी कार्यालय झापामा गणेश पौडेल आउने भएका छन् ।

बिर्तामोड उद्योग वाणिज्य संघको सभाहलमा शनिवार आयोजित कार्यक्रमकाबीच प्रहरी निरीक्षक न्यौपानेलाई विभिन्न संघ संस्थाका प्रमुख र प्रतिनिधिले सम्मानपत्र प्रदान गर्दै संयुक्त रुपमा विदाइ गरेका थिए ।