पिटर पेन्स स्कुलमा नानीबाबुहरूको मन लोभ्याउने प्रदर्शनी (फोटो)

विराटनग । विराटनगर–२ स्थित पिटर पेन्स प्राइमरी स्कुलमा शनिबार विविध प्रदर्शनी गरिएको छ । स्कुलमा अध्ययनरत ससाना बालबालिकाले नेपालसहित विभिन्न ११ मुलुकका परम्परागत खाना, भेषभूषा, भाषा र संस्कृति झल्कने कला प्रदर्शन गरेका थिए । स्कुले विद्यार्थीहरूको प्रदर्शनीमा उनीहरूका अभिभावकहरूले सहयोग गरेका थिए । 

स्कुलकी सञ्चालक मधु लोहियाले विद्यार्थीहरूलाई सैद्धान्तिक ज्ञानसँगै व्यावहारिक शिक्षा दिने उद्देश्यले प्रदर्शनी आयोजना गरिएको जानकारी दिइन् ।

यस्ता प्रदर्शनीले विद्यार्थीहरूलाई विश्वसँग जोडन मद्धत पुग्ने उनले बताइन् ।

प्रदर्शनीमा नेपाल, भारत, जापान, ब्राजिल, दक्षिण कोरिया, अष्ट्रेलिया, पोर्चुगल, इथियोपिया लगायत ११ मुलुकको पहिचान झल्कने पोशाक लगाएर स्कुले बालबालिकाले आफ्ना कला प्रस्तुत गरेका थिए ।

विराटनगर महानगरपालिकाका मेयर नागेश कोइरालासहित अभिभावहरूले प्रदर्शनीको अवलोकन गरेका थिए ।