संखुवासभाबाट इटहरी आउँदै गरेको बोलेरो धनकुटामा दुर्घटना

विराटनगर । संखुवासभाको मादीबाट इटहरीतफै जाँदै गरेको को १ ज २१३७ नम्बरको बोलेरो दुर्घटना भएको छ ।

आइतबार दिउँसो उक्त बोलेरो दुर्घटना हुँदा त्यसमा सवार १० जना यात्रुहरु मध्ये दुई जना बालबालिका घाइते भएका छन् । 

कोशी राजमार्गको धनकुटा नगरपालिका–६ फोक्लेण्ड टापुस्थित बागपाइले खोलामा करिव एक सय मिटर तल बोलेरो खसेको थियो ।

घाइतेहरूको जिल्ला अस्पताल धनकुटामा उपचार भइरहेको जनाइएको छ । 

उक्त बोलेरोमा चारजना बालकसहित नौ जना यात्रु सवार रहेको चालक राजेन्द्र माझीले बताए ।

ब्रेकमा समस्या देखिएपछि गाडीलाई विस्तारै वर्कसपमा लैजाने क्रममा अनियन्त्रित भएर खसेको जनाइएको छ ।

चालक माझी र अन्य यात्रुहरूको अवस्था भने सामान्य रहेको जनाइएको छ ।