विराटनगरको बरगाछीमा स्कुटरलाई ट्रकले दियो ठक्कर, इलाका प्रशासन रंगेलीका कम्प्युटर अपरेटरको मृत्यु

विराटनगर । मोरङको विराटनगरस्थित बरगाछी चोक नजिकै मालबाहक ट्रकले स्कुटरलाई ठक्कर दिंदा स्कुटरमा सवार एकजनाको मृत्यु भएको छ ।

आइतबार विहान करीव १० बजेतिर दुर्घटना परी मृत्यु हुनेमा सुनसरीको दुहवी नगरपालिका–९ का अन्दाजी २५ वर्षीय नगेन कुमार चौधरी रहेको प्रहरीले जनाएको छ । 

चौधरी इलाका प्रशासन कार्यालय रंगेलीमा कम्प्युटर अपरेटर पदमा कार्यरत रहेको जनाइएको छ । स्कुटरमा सवार अर्का व्यक्तिलाई उपचारका लागि पठाइएको प्रहरीले जनाएको छ ।

स्कुटरलाई ठक्कर दिने बा प्र ०३-००१ख १४११ नम्बरको ट्रकलाई स्थानीयले आगजनी समेत गरेका छन् ।

प्रहरीले दमकलको सहायताले ट्रकमा लागेको नियन्त्रणमा लिएको जनाइएको छ ।