रोटरी क्लब सेन्ट्रल र मिडटाउनको पदस्थापना

विराटनगर। रोटरी क्लब विराटनगर सेन्ट्रलको ११औं र रोटरी क्लब विराटनगर मिडटाउनको २५औं पदस्थापन समारोह बिहीबार सम्पन्न भएको छ।

समारोहमा स्मृति दाहालले रोटरी क्लब विराटनगर सेन्ट्रलको र विनोद बोहराले रोटरी क्लब विराटनगर मिडटाउनको अध्यक्ष पदको पदभार ग्रहण गरेका छन्।

त्यसैगरी, नयाँ कार्यसमिति अन्तर्गत रोटरी सेन्ट्रलमा सदीक्षा कार्की र मिडटाउनमा प्रतीष अग्रवालले सचिवको जिम्मेवारी सम्हालेका छन्। पूर्वअध्यक्ष सुजु कोइराला र घनश्याम काब्राले नयाँ अध्यक्षलाई आफ्नो कार्यभार सुम्पेका हुन्।

सो संयुक्त समारोहले आफ्नो कार्यकालको शुरुआतसँगै आपसी मैत्रीभाव, मानवीय सेवा र प्रभावकारी सामुदायिक कार्यक्रमहरूप्रति दुवै क्लबको दृढ प्रतिबद्धता झलकाएको छ।

यस वर्षको रोटरीको मुख्य नारा ‘दिगो प्रभाव सिर्जना गरौं’ रहेको छ, जसलाई आत्मसात गर्दै समाजमा सकारात्मक परिवर्तन ल्याउने अङ्गीकार गरिएको छ।