ज्योती विकास वैंकद्वारा विराटनगर मालपोतलाई कम्प्युटर प्रदान

विराटनगर । ज्योती विकास बैंकको विराटनगर शाखाले मालपोत कार्यालय विराटनगरलाई कम्प्युटर र प्रिन्टर हस्तानान्तरण गरेको छ ।

जेनजी आन्दोलनबाट कार्यालयको भवनमा आगजानी तथा लुटपाट हुँदा ठुलो भौतिक क्षति हुँदा सेवा प्रवाह ठप्प भएकोले कम्प्युटर लगायतका उपकरण प्रदान गरिएको जनाइएको छ । 

बैंकले संस्थागत सामाजिक उत्तरदायित्व अन्तरगत कार्यालयलाई करीव ८० हजार रुपैयाँ मूल्य बराबरको एक थान कम्प्युटर र प्रिन्टर उपलब्ध गराइएको शाखा प्रबन्धक लिलबहादुर खड्काले बताए । 

उनले कार्यालयका निमित्त मालपोत अधिकृत गोविन्द दाहाललाई उक्त कम्प्युटर र प्रिन्टर हस्तानान्तरण गरिएको बताए ।