रास्वपाको महानगर समिति गठन

विराटनगर । राष्ट्रिय स्वतन्त्र पार्टीको आइतबार भएका प्रथम भेलाले कृष्णबहादुर निरौलाको अध्यक्षतामा १४ सदस्यीय  विराटनगर महानगर समिति गठन गरेको छ । 

समितिको उपसभापतिमा सबिना खत्री, सचिवमा सीपी ढुंगेल र सहसचिव  अम्बरकुमार कटुवाल चयन भएका छन् ।

यसैगरी सदस्यहरूमा मोबिना बजगाईँ, फूलमाया लकान्द्री, निर्मला गिरी बुढाथोकी, मन्दिरा पराजुली, प्रेम पारख, ताराकुमार निरौला, दिपेश खनाल, नारायणप्रसाद दाहाल, मनिष अग्रवाल र प्रमोदकुमार निरौला चयन भएका छन् ।

भेलामा रास्वपाका नेताहरू मनिष झा, शिशिर खनाल, निशा डाँगी, निशा मेहता, कोशी प्रदेश कार्यबाहक सभापति सरिन तामाङ, प्रदेश महामन्त्री लालबिक्रम थापा, मोरङ जिल्ला सभापति भारत कँडेल लगायतको सहभागिता थियो ।