सशस्त्रका सय एसपीको सरुवा

विराटनगर । सशस्त्र प्रहरी बलले सशस्त्र प्रहरी उपरीक्षकका सय जनाको सरुवा गरेको छ । मोरङ, सुनसरी, झापा, इलाम, उदयपुर जिल्लाका प्रमुखहरु पनि सरुवा भएका छन् ।

कंकालनीमाई ३ नम्बर गण मोरङका तीर्थबहादुर थापाको ठाउँमा विश्ववन्धु खड्काको सरुवा भएको छ । सुनसरीस्थित ४ नम्बर गणका लकेश तुम्बाहाम्फेको सरुवा भएपछि उनको स्थानमा समेनन्द बज्राचार्य आउने भएका छन् । झापामा कविन्द्र राईको सरुवा भएको छ ।

सशस्त्र प्रहरी वलका अनुसार इलामका द्रोणकुमार विष्टको स्थानमा प्रदिप खड्का आउने भएका छन् भनें उदयपुरमा सरोजसिंह बस्नेत आउने भएका छन् ।

यसैगरी वराहबाहिनी पकलीमा दिपेन्द्र गिरी र अशोककुमार शाक्यको सरुवा भएको छ ।

झापाको पाथीभरा जवान तालिम केन्द्रमा लोकेन्द्र सुबेदी र ३८ नम्बर रिजर्भ गण झापामा नवीनकुमार खड्काको सरुवा भएको छ ।