ओम्सको कोशी प्रदेश समिति चयन

विराटनगर । राष्ट्रिय तथा बहुराष्ट्रिय कम्पनीमा कार्यरत कम्पनी प्रतिनिधिहरुको संस्था बजार व्यवस्थापन तथा बिक्री कर्मचारी संघ (ओम्स) नेपालको कोशी प्रदेश भेलाले विष्णु पौडेलको अध्यक्षतामा कोशी प्रदेश समिति चयन गरेको छ ।

समितिको उपाध्यक्षमा पुरुषोत्तम खतिवडा, सचिवमा सीताराम पौडेल, सहसचिवमा मनोज घिमिरे र कोषाध्यक्षमा योगेन्द्र अधिकारी चयन भएका छन् ।

यसैगरी सदस्यहरुमा नारायण गौतम, श्याम कर्ण, सोनिया शर्मा, गीता नेपाल पोखरेल, दिनेश यादव, सविन दाहाल, नवराज भट्टराई,पुष्प नेपाल, योगेश लाभ, कमल पौडेल, दिपेन्द्र कर्ण, भीम चौधरी, सञ्जीव मिश्र, आकाश यादव र दीपा कार्की छन् ।

भेलामा संघका केन्द्रीय अध्यक्ष सूर्य पराजुली, उपाध्यक्ष तथा कोशी प्रदेश इञ्चार्ज शैलेश न्यौपाने, मोरङ व्यापार संघका अध्यक्ष नवीन रिजाल , उद्योग संगठन मोरङका अध्यक्ष राकेश सुरानाले संस्थाको सफलताको शुभकामना व्यक्त गरेका थिए ।