दुर्घटनामा ३ को मृत्यु

विराटनगर । झापा र सुनसरी जिल्लाको छुट्टाछुट्टै स्थानमा भएको सवारी दुर्घटनाबाट ३ जनाको मृत्यु भएको छ ।

सुनसरीको इटहरी–१३ स्थित कोशी लोकमार्गमा प्रदेश १–०१–००२ त ०२४९ नम्बरको ट्याक्टरले प्रदेश १–०२–०४८ प ३४९७ नम्बरको मोटरसाईकललाई ठक्कर दिंदा घाइते भएका मोटरसाइकल चालक रंगेली–६ का ४३ बर्षीय बलराम सरदारको उपचारको क्रममा विराटनगरमा मृत्यु भएको थियो ।

त्यसैगरी दुहबी–८ मा बागमती प्रदेश ०१–०२७ च ०४८२ नम्बरको कारले पैदल यात्री स्थानीय ४५ बर्षीय गणेश गुप्तालाई ठक्कर दिंदा घाइते भएका उनको उपचारका क्रममा विराटनगरमा मृत्यु भएको प्रहरीले जनाएको छ ।

त्यसैगरि झापाको मेचीनगर–८ स्थित मे. ७ प १२३४ नम्बरको मोटरसाइकल आफै अनियन्त्रित भई दुर्घटना हुँदा घाइते भएका मोटरसाइकल चालक मेचीनगर–६ का ३४ बर्षीय दिवश प्रधानको  उपचारका क्रममा बिर्तामोडमा मृत्यु भएको थियो । 

दुर्घटनामा संलग्न ट्याक्टर चालक दुहवी–१० का २३ बर्षीय अविराम माझी र कार चालक सुन्दरहरैंचा–३ का २४ बर्षीय रामनाथ जोगीलाई प्रहरीले नियन्त्रमा लिई अनुसन्धान गरिरहेको बताइएको छ ।