करणी अभियोगमा उदयपुरमा पाँच जना पक्राउ

उदयपुर । १६ वर्षीया बालिकालाई जबरजस्ती करणी गरेको अभियोगमा चौदण्डीगढी नगरपालिका–२ चारघरे बस्ने १९ वर्षीय सञ्जय सदालाई सोमबार बिहान प्रहरीले पक्राउ गरेको छ । 

सञ्जयले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बेल्टारबाट खटिएको प्रहरीले उनलाई पक्राउ गरेको हो । 

त्यसैगरी १६ वर्षीया बालिकालाई जबरजस्ती करणी गरेको अभियोगमा उदयपुरकै कटारी नगरपालिका–९ लिम्पाटार बस्ने १९ वर्षीय भोजराज परियारलाई सोमबार बिहान प्रहरीले पक्राउ गरेको छ । 

भोजराजले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय कटारीबाट खटिएको प्रहरीले उनलाई पक्राउ गरेको हो । 

त्यसैगरी १५ वर्षीया बालिकालाई जबरजस्ती करणी गरेको अभियोगमा  झापा शिवसताक्षी नगरपालिका–७ तुम्देन चोक बस्ने ३५ वर्षीय राकेश भन्ने युक्फोदेन शेर्मालाई शुक्रबार दिउँसो प्रहरीले पक्राउ गरेको छ । 

शेर्माले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय झिलझिलेबाट खटिएको प्रहरीले उनलाई पक्राउ गरेको हो । 

त्यस्तै २७ वर्षीया महिलालाई जबरजस्ती करणी गरेको अभियोगमा कटारी नगरपालिका–६ सोमबारे बस्ने २६ वर्षीय न्युजन राई र २२ वर्षीय भोजकुमार पाण्डेलाई शुक्रबार दिउँसो प्रहरीले पक्राउ गरेको छ । 

उनीहरूले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय कटारीबाट खटिएको प्रहरीले उनीहरूलाई पक्राउ गरेको नेपाल प्रहरीले आप्mनो वेबसाइटमा उल्लेख गरेको छ ।