जिल्ला प्रशासन मोरङको सेवा प्रवाह आजबाट

विराटनगर । जिल्ला प्रशासन कार्यालय मोरङले सेवाग्राहीहरुलाई प्रदान गर्ने केही महत्वपूर्ण सेवाहरु आज बुधबारबाट सुरु गर्ने भएको छ । 

राहदानी र राष्ट्रिय परिचयपत्र सम्बन्धी सेवाबाहेक अरु सेवा प्रदान गर्न लागिएको हो । 

सहायक प्रमुख जिल्ला अधिकारी सरोज कोइरालाले हस्ताक्षर गरी सार्वजनिक गरेको सूचनामा सो कुरा जनाइएको छ । 

नागरिकताको अभिलेख पनि आगोले जलेर नष्ट भएकाले नागरिकताको प्रतिलिपि दिन भने गृहमन्त्रालयबाट निर्देशन प्राप्त भएपछि मात्र सेवा प्रदान गर्ने जानकारी सूचनामा गराइएको छ । 

जेनजीको नाममा गत भदौ २३ र २४ गते भएको आन्दोलनमा आन्दोलनकारीका नाममा केही विध्वंशकारीहरुले भदौ २४ गते जिल्ला प्रशासन कार्यालय मोरङलगायत अन्य सरकारी कार्यालयहरु जलाएर ध्वस्त पारेका थिए । 

त्यस बेलादेखि नै जिल्ला प्रशासन कार्यालयबाट हुने अधिकांश कामहरु बन्द भएका थिए ।